"భూతాత్మ! భూతేశ! భూత భావనరూప!-దేవ! మహాదేవ! దేవవంద్య!
యీ లోకముల కెల్ల నీశ్వరుండవు నీవ-బంధమోక్షములకుఁ బ్రభుఁడ వీవ; యార్త శరణ్యుండ వగు గురుండవు నిన్నుఁ-గోరి భజింతురు కుశలమతులు; సకల సృష్టిస్థితిసంహారకర్తవై-బ్రహ్మ విష్ణు శివాఖ్యఁ బరఁగు దీవ;
పరమ గుహ్య మయిన బ్రహ్మంబు సదసత్త మంబు నీవ శక్తిమయుఁడ వీవ; శబ్దయోని వీవ; జగదంతరాత్మవు నీవ; ప్రాణ మరయ నిఖిలమునకు.
కామెంట్లు
కామెంట్ను పోస్ట్ చేయండి