మనసున కొలువై మమతల నెలవై

  మెరిసే తారలదేరూపం విరిసే పువ్వులదేరూపం

       అది నా కంటికి శూన్యం
       మనసున కొలువై మమతల నెలవై వెలసిన దేవిది ఏ రూపం
       నా కన్నులు చూడని రూపం గుడిలో దేవత ప్రతిరూపం
       నీ రూపం అపురూపం
                                          || మనసున ||
.
||చ|| |అతడు|
       ఎవరి రాకతో గళమున పాటల ఏరువాక సాగేనో
       ఆ వసంత మాసపు కులగోత్రాలను ఎల కోయిల అడిగేనా
       ఎవరి పిలుపుతో పులకరించి పురివిప్పి తనువు ఊగేనో
       ఆ తొలకరి మేఘపు గుణగణాలకై నెమలి వెతుకులాడేనా
       నా కన్నులు చూడని రూపం గుడిలో దేవత రూపం
       నీ రూపం అపురూపం
.
||చ|| |అతడు|
       ప్రాణం పుట్టుక ప్రాణికి తెలియాలా
       గానం పుట్టుక గాత్రం చూడాలా || ప్రాణం ||
       వెదురును మురళిగ మలచి
       నాలో జీవననాదం పలికిన నీవే నా ప్రాణస్పందన
       నీకే నా హృదయ నివేదన
       మనసున కొలువై మమతల నెలవై వెలసిన దేవిది ఏ రూపం
       నా కన్నులు చూడని రూపం గుడిలో దేవత ప్రతిరూపం
       నీ రూపం అపురూపం
.